10 красавіка члены аб’яднання па інтарэсах “Турысцяты” наведалі Свіслацкі раённы цэнтр турызма і краязнаўства. Дзеці вельмі чакалі гэтай паездкі. І нездарма. Ва ўсіх была магчымасць паспрабаваць свае сілы ў спаборніцтве “Юныя заваёўнікі вяршынь” па спартыўнаму скалалазанню, пазнаёміцца з турысцкай амуніцыяй, прыняць актыўны ўдзел у гульні “У пошуках клада”.Дзеці вярталіся дадому з граматамі, салодкімі пачастункамі, цудоўным настроем і жаданнем наведаць яшчэ цэнтр турызма і краязнаўства.
